Ang mga taong dati’y walang pakialam

Ngayon ay siyang nagmama-alam

‘Pagkat nalalapit na ang halalan

Mistulang mga payaso

Na nag-aagawan sa pwesto

Puro banat sa kalaban kesyo ganito kesyo ganyan

Para lang manalo sa halalan

Ang lahat nagpapapogi

Para lamang magwagi

Umaa-asang maloloko ang taong bayan

Sabik sa kapangyarihan

Ang iba nating kababayan

Kung kaya’ta ayaw patalo sa halalan

Ano nga ba ang meron sa mga upuan

At nag-uunahan at nagpapatayan

Para lamang manalo sa halalan

Yaman ba ng bayan ang tanging inaasam

Na lulustayin para sa sarili lamang

Kapag sila’y nanalo sa halalan

Kilalanin nating mabuti

Kilatisin ng maigi ang bawat kandidato

Sa darating na halalan

Tayo’y ‘wag sanang magpagoyo

Nang hindi tayo magsisi

‘Pag mangga-gantso ang nanalo sa halalan